Imam Muhamed Sytari

Muhamed Sytari ka lindur në Shkodër më 21.05.1978. Është diplomuar në Damask të Sirisë nga Fakulteti i Thirrjes Islame ... 

 


Harta e Vizitorëve




 

Paraditën e së mërkurës, më 9 maj 2012, Myftiu Imam Muhamed Sytari ka diskutuar me disa prej imamëve të Shkodrës rreth aktivitetit të xhamive, rregullit, disiplinës dhe angazhimit maksimal për të ruajtur frymën e harmonisë dhe vëllazërisë në ambientet besimtare.
           
Myftiu ka kërkuar nga imamët angazhim serioz për të mbajtur të gjallë frymën e përkushtimit dhe të vlerave islame në mesin e xhemateve të Shkodrës. Gjatë fjalës së tij, ka theksuar shembullin e disa xhamive, që spikasin për organizimin, pastërtinë, rregullin dhe harmoninë në mes të besimtarëve. Ai ka kërkuar që këto xhami të bëhen shembull dhe ka falënderuar imamët e tyre për angazhimin dhe përkujdesjen në këtë drejtim.
           
Është diskutuar edhe për shtimin e cilësisë së aktiviteteve në xhamitë e Shkodrës, sidomos në këtë periudhë të tre muajve të mirë, ku vlerësohen adhurimet shtesë, leximet e Kur’anit, istigfaret, lutjet etj.           

Ndërkohë imamët kanë rënë dakord se duhet rritur angazhimi për të ruajtur harmoninë dhe vlerat e vëllazërisë islame në xhametet e Shkodrës, si dhe fryma e bashkëpunimit sistematik dhe me përkushtim në shërbim të vlerave që përçon Komuniteti Mysliman i Shqipërisë në shoqërinë shqiptare.

 

Imamët: “Më shumë angazhim ndaj vlerave të harmonisë”

Imamët: “Më shumë angazhim ndaj vlerave të harmonisë”

Imamët: “Më shumë angazhim ndaj vlerave të harmonisë”