Imam Muhamed Sytari

Muhamed Sytari ka lindur në Shkodër më 21.05.1978. Është diplomuar në Damask të Sirisë nga Fakulteti i Thirrjes Islame ... 

 


Harta e Vizitorëve




 

Për dy ditë me radhë, në 5-6 maj 2012, përfaqësues të lartë të komuniteteve islame të 60 vendeve të botës, janë mbledhur në qytetin Gaziantep të Turqisë, në konferencën ndërkombëtare: “Pishtari profetik ndriçon rrugën e njerëzimit”, organizuar nga revistat prestigjioze “Yeni Ümit” dhe “Hira”.
           
Në këtë konferencë merrnin pjesë edhe përfaqësues të Komunitetit Mysliman të Shqipërisë, z. Genti Kruja, Drejtor i Kulturës dhe Dialogut Ndërfetar dhe Imam Muhamed Sytari, Myfti i Shkodrës.
           
Gjatë dy ditëve të konferencës janë diskutuar tema të ndryshme që lidhen me historinë, realitetin dhe të ardhmen e ymetit islam dhe botës mbarë. Janë dhënë mendime mbi rolin garant të traditës së profetit Muhammed (a.s) për zgjidhjen e problemeve aktuale në botë, me dritën e Kur’anit dhe frymën e vëllazërisë dhe harmonisë, me të cilën u dërgua.
           
Në konferencë kanë marrë pjesë dijetarë, prijës fetarë, myftilerë, akademikë dhe intelektualë të shquar të botës islame, si: Dr. Ali Xhuma (Myfti i Egjiptit), Shejkh Sherif Ibrahim Salih (President i Këshillit Islam në Nigeri), Dr. Abdulkerim El-Khasavina (Myfti i Mbretërisë së Jordanisë), Prof. dr. Rashid Kuçuk (President i Këshillit të Lartë për Çështjet Fetare në Turqi), Mevlana Vahidudin Khan (President i qendrës Islame në New Delhi, Indi), Prof. dr. Mehmet Gormez (Kryetari i Dijanetit në Turqi), Prof. dr. Ali Bardakoglu (Ish- Kryetar i Dijanetit në Turqi), Prof. dr. Fethi Hixhazi (Egjipt), Prof. dr. Abdulhamid Ebu Sulejman (Arabia Saudite), Dr. Xhunejd Kokxha (Turqi), Prof. dr. Ragib Husejn (Pakistan), Dr. Reshid Hajlamaz (Turqi), Prof. Dr. Ahmed El-Bukili (Marok) etj.
           
Konferenca ka shërbyer për të rritur ndërgjegjësimin e komunikimit në botën islame, nevojën e zgjimit të vëmendjens njerëzore drejt vlerave të fesë islame dhe traditave profetike, trajtimin me kujdes të gjendjes së varfërisë dhe injorancës në botë, rrugët e shërimit më urtësi të sëmundjeve të kohës etj. Gjatë 6 senacave të kësaj konference është folur edhe për elementët e shoqërisë shembullore në Islam, për vendin e dijes, për fisnikërinë e njeriut, për shembuj të vëllazërisë dhe altruizmit në traditat profetike etj.
           
Në një intervistë për televizionin TRT në gjuhën arabe, Myftiu i Shkodrës Imam Muhamed Sytari, pasi ka falënderuar organizatorët e kësaj konference, ka theksuar se ka ardhur koha dhe janë krijuar mundësitë që mbarë bota të kuptojë vlerën e Islamit dhe traditave të profetit Muhammed (a.s), që janë njëkohësisht edhe zgjidhja më e vlefshme dhe një mundësi reale për shërimin e sëmundjeve të ndryshme shpirtërore, sociale, kulturore, ideologjike dhe intelektuale që kanë përfshirë botën.
           
Gjatë qëndrimit në Gaziantep, përfaqësuesit e Komunitetit Mysliman të Shqipërisë kanë zhvilluar takime dhe biseda të vyera me drejtues të shumtë fetarë nga vende të ndryshme të botës, pjesëmarrës në konferencë.            

Konferenca: “Pishtari profetik ndriçon rrugën e njerëzimit”, është transmetuar e plotë në disa kanale televizive dhe është përcjellur me shumë kujdes nga gazetat kryesore të Turqisë.

 

Zhvillohet konferenca ndërkombëtare: “Pishtari profetik ndriçon rrugën e njerëzimit” - 5-6 maj 2012

Zhvillohet konferenca ndërkombëtare: “Pishtari profetik ndriçon rrugën e njerëzimit” - Turqi, 5-6 maj 2012

Zhvillohet konferenca ndërkombëtare: “Pishtari profetik ndriçon rrugën e njerëzimit” - Turqi, 5-6 maj 2012

Zhvillohet konferenca ndërkombëtare: “Pishtari profetik ndriçon rrugën e njerëzimit” - Turqi, 5-6 maj 2012 

Zhvillohet konferenca ndërkombëtare: “Pishtari profetik ndriçon rrugën e njerëzimit” - Turqi, 5-6 maj 2012