Ditën e xhuma, më 30 mars 2012, nëpërmjet minberit të xhamisë së fshatit Shtoj i Vjetër, Myftiu i Shkodrës Imam Muhamed Sytari ka folur mbi fesadin dhe sëmundjet e popujve të shkuar, që tërhoqën ndëshkimet hyjnore të dëshmuara në Kur’an dhe të vërtetuara shekuj më pas nga shkenca.

Në hytben e tij, Myftiu i është referuar degjenerimit dhe devijimit të popullit të hz. Lutit (a.s), të cilët ishin të parët që devijuan natyrën e marrëdhënies në mes burrit dhe gruas, duke shkuar mashkulli me mashkullin. Aty, ai ka përdorur ajete kur’anore, nëpërmjet të cilave ka nxjerrë në pah fëlliqësinë e veprimit të këtij populi që u ndëshkua me shkatërrim, djegie. Atë popull, Zoti e bëri shembull për mbarë botën, duke e bërë edhe tokën e tyre si një zonë të vdekur, siç njihet sot vendi i tyre: “Deti i Vdekur”.

Myftiu ka theksuar se: "Ata që përhapin fesad në tokë, janë në kundërshtim me rregullin e Zotit në tokë. Ata që ringjallin sëmundjet e fëlliqura të popujve të mëparshëm, tërheqin me vete edhe ndëshkimet hyjnore mbi ata popuj. Brenda pak kohësh kaluam tre tërmete, për të cilët nuk lajmëroi asnjë media. Vjet u përmbytëm nga uji, sivjet u izoluam nga dëbora. Nuk e kujtojmë herën e fundit kur ka rënë një pikë shi mbi tokën tonë. Çfarë duhet të ndodhë më? Bekuesit e paradave të njerëzve të çthurrur, le të hedhin sytë nga Deti i Vdekur dhe historia e tij. Pasha All-llahun, këta njerëz do të ndëshkohen në këtë botë para tjetrës, nëse nuk pendohen dhe kthehen nga Zoti! 

Fëlliqësi më të madhe në këtë 100 vjetor të pavarësisë së vendit tonë nuk mund të kishte!?".

Myftiu ka dënuar mbështetjen e paradës së pasuesve të popullit të Lutit, në vendin tonë, duke e konsideruar këtë si një gjurmë të madhe turpi kombëtare në prag të 100 vjetorit të pavarësisë.