Paraditën e së mërkures, më 28 mars 2012, Myftiu i Shkodrës Imam Muhamed Sytari ka pritur për vizitë Kryeimamin në detyrë të Ulqinit, Rifat ef. Jusufi.
           
Gjatë bashkëbisedimit është diskutuar mbi rrugët e bashkëpunimit në mes të dy myftinive, forcimin e lidhjeve nëpërmjet zhvillimit të aktiviteteve të ndryshme fetare, kulturore e sociale në dobi të besimtarëve.
           
Kryeimami i Ulqinit e ka përgëzuar Myftiun e Shkodrës edhe për zhvillimet e ditëve të fundit në vakëfin bri xhamisë së Plumbit, ku po dalin në pah gjurmë të traditave, kulturës dhe shpirtit islam të Shkodrës, si gjurmët e vjetra të xhamisë së Qafës, varret muslimane, urat dhe reliktet e ndryshme islame që po dalin dita-ditës në këtë zonë.
           
Është diskutuar edhe për zhvillimin e aktiviteteve të përbashkëta në mes të imamëve të dy myftinive dhe shtimin e mundësive për aktivitete edhe në rang të nxënësve të kurseve fetare të dy myftinive.
           
Dy myftilerët kanë diskutuar edhe për rrugët e zhvillimit të trajnimeve profesionale për imamët e Shkodrës dhe ata të Ulqinit, në rrugën e perfeksionimit të prezanitimit të vlerave të fesë islame në qendrat islame të dy qyteteve.