Pasdrekёn e sё shtunёs, mё 7 gusht 2010, Imam Muhamed Sytari ka pritur nё Myftininё e Shkodrёs dijetarin dhe ligjёruesin e mirёnjohur nga Shkupi, dr. Zekerija Bajrami, i cili ka mbёrritur nё Shkodёr nё kuadrin e aktiviteteve qё zhvillohen nё kuadёr tё pritjes sё muajit Ramazan.
           
Fillimisht ai i ka uruar mikut tё shtrenjtё mirёseardhjen nё qytetin e Shkodrёs dhe i ka uruar atij qёndrim tё kёndshёm nё qytetin e dijes dhe dijetarёve.
           
Nga ana e tij, dr. Zekerija Bajrami ka shprehur kёnaqёsinё e tij pёr kёtё vizitё nё qytetin e dijetarit tё shquar Vehbi Sulejman Gavoçi. Gjatё bisedёs sё tij, ai ka rrёfyer momente tё shumta nga kujtimet e tij nё shoqёri tё hoxhёs dhe dijetarit me famё botёrore, Vehbi Gavoçi.
           
Mё pas, Myftiu e ka njohur mikun e tij me aktivitetet e ndryshme qё zhvillon Myftinia Shkodёr, sidomos nё kёto ditё, nё prag tё muajit tё madhёrueshёm tё Ramazanit. Nё kёtё kuadёr, ata kanё dhёnё edhe njё prononcim pёr mediat e pranishme nё kёtё takim. Me kёtё rast, dr. Zekerija Bajrami ka uruar tё gjithё besimtarёt muslimanё tё Shkodrёs pёr njё agjёrim sa mё tё mbarё dhe vepra tё pranuara nga Zoti i gjithёsisё.
           
Gjatё kёsaj vizite, Myftiu i Shkodrёs i ka dhuruar mikut nga Shkupi njё komplet me disa nga botimet e tij dhe disa nga numrat e rinj tё gazetёs sё Myftinisё “Udha Islame”. 

Nё kёtё takim prezantonin edhe Myftiu i Malёsisё sё Madhe, H. Edmir Smajlaj, imami i xhamisё Parrucё, teologu Naim Drijaj, imami i xhamisё sё Kirasit, teologu Ylli Buraniqi, imami i xhamisё sё Ajasmёs, z. Bledar Xama, kryeredaktori i gazetёs “Udha Islame”, thirrёsi islam Lavdrim Hamja dhe teologu Arben Halluni.