Pasdrekën e së martës, më 13 mars 2012, Myftiu Imam Muhamed Sytari ka inspektuar në terren vijimin e ndërtimit të murit rrethues te vakëfi bri Urës së Bunës.
           
Punimet në fjalë u ndërprenë gjatë tre muajve të fundit për shkak të temperaturave të ulëta që kaloi Shkodra. Ndërkohë, me përfundimin e këtij muri rrethues, do të bëhet sheshimi i vakëfit dhe do të nisë procedura për ndërtimin e xhamisë së re mbi truallin e xhamisë së vjetër të Urës së Bunës.           

Myftiu, pasi ka parë nga afër cilësinë e punimeve ka shprehur kënaqësinë e tij për ecurinë e zhvillimit të këtij vakëfi, sikurse ka përgëzuar skuadrën e ndërtuesve për punën e tyre të palodhshme për ta kryera sa më parë dhe me cilësi të lartë murin, që do të shërbejë edhe si argjinaturë bri Bunës.