Imam Muhamed Sytari

Muhamed Sytari ka lindur në Shkodër më 21.05.1978. Është diplomuar në Damask të Sirisë nga Fakulteti i Thirrjes Islame ... 

 


Harta e Vizitorëve




 

Nëpërmjet hytbes së xhumasë, më 24 shkurt 2012, nga xhamia e Ajasmës, Myftiu i Shkodrës Imam Muhamed Sytari ka dhënë disa mesazhe për shoqërinë islame në Shkodër dhe përtej saj, në lidhje me organizimin e muslimanëve dhe daljen nga gjendja e shoqërisë “masë”.
           
Myftiu ka theksuar se ymeti islam është ymet i dijes dhe i përparimit dituror, por realiteti i kohëve të fundit ka dëshmuar se shoqëria islame ka ngelur shoqëri analfabete, që drejtohet në një mënyrë aspak të pranuar drejt zhveshjes së heshtur nga kultura dhe morali islam.
           
“Para pak ditësh, para duarve të xhamisë kryesore të Shkodrës, u organizuan karnavalet 100 orëshe. Ne nuk ndalojmë njeri të prezantojë kulturën e tij, por, ne nuk jemi shoqëri maskash, as nuk duhej të toleronim zhvillimin e tyre para xhamisë tonë, ndonëse për këtë zhvillim u njohëm pasi ai ishte bërë fakt i kryer. Muslimanët duhet të zgjohen nga gafleti i tyre, për të parë sesi funksionon ky qytet, ku janë muslimanët në këtë qytet? Si ka mundësi, që të tolerohet një “sfidë faraonike”, aty, para duarve të faltores së TEUHIDIT nga cilido a cilado që ka humbur rrugën e udhëzimit? Si ka mundësi, që ditë pas dite, ky qytet të marrë një ngjyrë, që kurrë nuk ka qenë ngjyra e tij? Muslimanët nuk e sfidojnë Zotin! Muslimanët nuk tallen as abuzojnë me simbolet fetare të tjetrit! Muslimanët, nëse flasin për harmoninë, kjo s’do të thotë se disa të pavëmendshëm me pushtet të abuzojnë me dinjitetin e këtij qyteti, në rrënjët e të cilit qëndron dinjiteti i Islamit dhe i muslimanëve!”- ka theksuar Myftiu në hytben e tij.           

Më pas, ai ka hedhur dritë edhe mbi disa fenomene, që i ka quajtur “larg perceptimit islam”, në realitetet islame të shoqërisë shkodrane, sikurse ka ftuar intelektualët muslimanë të mos kenë ndrojtje për të dëshmuar fenë e tyre, kulturën e saj dhe botën e mrekullueshme, me të cilën i dha jetë dhe nder këtij vendi dhe kësaj shoqërie islame.

 

“Ymeti islam është ymet i dijes, por shoqëria e jonë ka mbetur analfabete!” - 24 shkurt 2012

“Ymeti islam është ymet i dijes, por shoqëria e jonë ka mbetur analfabete!” - 24 shkurt 2012

“Ymeti islam është ymet i dijes, por shoqëria e jonë ka mbetur analfabete!” - 24 shkurt 2012