Pasditën e së enjtes, më 23 shkurt 2012, Myftiu Imam Muhamed Sytari ka marrë pjesë në pritjen që ka organizuar Ambasada e Kuvajtit në Tiranë, me rastin e 51 vjetorit të pavarësisë dhe 21 vjetorit të Ditës së Çlirimit të Kuvajtit.
           
Në fjalën e tij para të ftuarve të shumtë, ambasadori i Kuvajtit në vendin tonë, z. Najeeb Abdulrahman Al-Bader, ka theksuar se marrëdhëniet midis Kuvajtit dhe Shqipërisë janë në nivelet më të mira dhe se këto marrëdhënie do të forcohen edhe më shumë me praninë e ambasadës kuvajtiane në Tiranë.
           
Gjatë kësaj pritje, Myftiu e ka uruar ambasadorin Al-Bader me rastin e festave kombëtare të Kuvajtit dhe e ka falënderuar për kontributin që qeveria kuvajtiane ka premtuar për realizimin e disa projekteve në Shkodër.
           
Ndërkohë ambasadori i Kuvajtit ka theksuar se shumë shpejt do të nisë puna për realizimin e projektit për rehabilitimin e plotë të Xhamisë së Plumbit dhe disa projekte të tjera në rrugën e bashkëpunimit dypalësh.           

Myftiu e ka ftuar ambasadorin e Kuvajtit për një vizitë zyrtare në Shkodër duke shprehur se Shkodra është mirënjohëse për kontributet e vyera të miqve të saj të sinqertë.