Ditёn e xhuma, mё 30 korrik 2010, Myftiu i Shkodrёs Imam Muhamed Sytari ka kryer ritet e namazit tё xhuma nё xhaminё e Plumbit. Nёpёrmjet hytbes sё tij, ai ka udhёzuar tё pranishmit pёr tё trokitur nё dyert e mёshirёs sё All-llahut (xh. sh). “Ditёt qё po jetojmё janё tё mbushura me shanse pёr t’u afruar me Krijuesin Fuqiplotё. Edhe pak ditё dhe mbarё bota islame po bёhet gati pёr tё pritur muajin e madhnueshёm tё Ramazanit. Padyshim qё ky muaj, sjell me vete edhe mёshirёn e pakufijshme tё Mёshiruesit. Detyra jonё si muslimanё ёshtё tё lutemi pёr kёtё mёshirё, pёr tё cilёn nuk kemi nevojё vetёm ne, por edhe shoqёria nё tё cilёn jetojmё. Shqipёria dhe shqiptarёt, kanё nevojё sot pёr mёshirёn e All-llahut, pёr tё dalё nga realitetet e zymta, plot harame e devijime, plot çthurrje e imoralitet, plot varfёri e skamje, plot mjerim e pёrpjekje pёr tё zёvendёsuar gjurmёt e dritёs me errёsirё mesjetare!”- ka thёnё ai.
           
Gjatё hytbes sё tij, Myftiu ka folur edhe pёr xhaminё e Plumbit, pёr tё cilёn ёshtё shprehur se mbetet kibla e muslimanёve shqiptarё, por njёkohёsisht edhe njё njollё turpi pёr tё gjithё. “Vitet kalojnё dhe neglizhenca institucionale ndaj kёsaj xhamie sa vjen e shtohet. Tё gjithё jemi bashkёfajtorё pёr gjendjen e kёsaj xhamie tё mrekullueshme, Myftinia fillimisht, por edhe institucionet shtetёrore qё nuk u intereson aspak pёr gjendjen e saj! Erdhёn kohёra hipokrizie e hipokritёsh!”- ka pёrfunduar Myftiu.
           
Nё kёtё prezencё tё tijёn nё xhaminё e Plumbit, Myftiu i Shkodrёs, nuk ka lёnё pa falёnderuar edhe imamin e kёsaj xhamie, H. Mithat Myftia, i cili “ka sakrifikuar dhe shёrbyer me shumё dinjitet e pёrkushtim nё kёtё xhami, sidomos gjatё kёtyre 20 viteve plot vёshtirёsi e pёrmbytje pёr xhaminё mё tё vjetёr tё Shkodrёs”.

V.Mehmeti