Me rastin e Natёs sё Madhe tё Gjysmёs sё Shabanit, nё xhaminё e Parrucёs ёshtё organizuar njё aktivitet fetar, nё kuadrin e tubimeve fetare qё organizon Myftinia Shkodёr nё pritje tё muajit tё madhёrueshёm tё Ramazanit.

Aktiviteti qё ёshtё prezantuar nga thirrёsi islam Lavdrim Hamja, ёshtё hapur me kёndimin e ajeteve tё para tё sures “Duhan”, nga teologu Ethem Haliti, i rikthyer pёr pak ditё nё Shkodёr pas shumё viteve.

Mё pas, fjalёn e ka marrё H. Edmir Smajlaj, Myfti i Malёsisё sё Madhe. Nё fjalёn e tij, ai ka folur mbi vlerёn e madhe qё kanё kёto ditё tё madhnueshme, ku muslimanёt janё tё ftuar pёr tё rregulluar marrёdhёniet e tyre me Zotin e gjithёsisё. Ai ka kёshilluar tё pranishmit pёr tё ndjekur rrugёn e profetit Muhammed (a.s) nё kёto ditё, ku muslimani duhet tё kapet mё shumё se kurrё me traditat e fesё sё tij tё pastёr.
           
Aktiviteti ka vijuar me fjalёn e teologut Naim Drijaj, imam i xhamisё Parrucё, i cili ka referuar mbi mёnyrat e  pritjes sё muajit tё Ramazanit. Nёpёrmjet shembujve konkretё, ai ka treguar dobitё e shumta tё kёtij muaji tё begatё qё po rikthehet nё meset e muslimanёve. Njёkohёsisht ai ka nxitur besimtarёt drejt rrugёve tё paqtimit me njёri-tjetrin, shtrimin e sofrave tё vёllazёrisё nё Ramazan, vizitёn ndёr tё sёmurё, nevojtarё e tё afёrm.
           
Mё pas ёshtё kёnduar sureja “Jasin” dhe disa dhikre me xhemat, tё cilat janё mbyllur me duanё e hatmes dhe disa kёshilla tё vyera nga H. Faik Hoxha, Myfti Nderi i Shkodrёs, i cili ka uruar gjithё tё pranishmit pёr kёtё natё tё begatё.
           
Aktiviteti ka kulmuar me kёndimin e njё pjese nga Mevludi dhe disa ilahi nga teologёt Resmi Likaj dhe Ethem Haliti.           

Nё fjalёn e mbylljes, Myftiu i Shkodrёs Imam Muhamed Sytari, ka tёrhequr vёmendjen e besimtarёve tё pranishёm drejt angazhimit tё pёrhershёm me pёrmendjen e All-llahut. Nёpёrmjet haditheve tё shumta, ai ka treguar vlerёn e madhe qё ka dhikri nё vijimёsi. Sikurse ka nxitur shtimin e mexhliseve tё dhikrit, salavatit e kёndimit tё Kur’anit nё xhamitё e Shkodrёs.

Ilir Dizdari