Imam Muhamed Sytari

Muhamed Sytari ka lindur në Shkodër më 21.05.1978. Është diplomuar në Damask të Sirisë nga Fakulteti i Thirrjes Islame ... 

 


Harta e Vizitorëve




 

Paraditën e së enjtes, më 27 tetor 2011, besimtarë të shumtë dhe qytetarë të Shkodrës, kanë marrë pjesë në përcjelljen e haxhilerëve shkodranë drejt vendeve të shenjta, Mekke e Medine.
           
Në shoqërinë e tekbireve dhe telbijes, nga minaret e xhamisë Parrucë, të afërm dhe besimtarë muslimanë kanë uruar me zemër nisjen e haxhilerëve të rinj të këtij vendi drejt Qabes së madhnueshme.
           
Të pranishëm në këtë ceremoni të nisjes së haxhilerëve ka qenë Myftiu Imam Muhamed Sytari, Kryetari i Këshillit të Qarkut Shkodër, z. Maxhid Cungu, imamët e xhamive të qytetit dhe familjarë të shumtë.
           
Në një mesazh urimi për mediat e pranishme, Myftiu ka theksuar se këta haxhilerë janë një kredo besimi, begatie dhe mirëqenie për Shkodrën dhe për mbarë Shqipërinë. Ai ka uruar rrugë të mbarë dhe haxh të pranuar për besimtarët që vendosën të jenë pjesëmarrës në haxhin e këtij viti.
           
Edhe Kryetari i Këshillit të Qarkut Shkodër, z. Maxhid Cungu ka uruar që udhëtimi i haxhilerëve të këtij viti të jetë sa më i mbarë dhe i suksesshëm. Ai ka theksuar se kjo është një ditë e veçantë për besimtarët, si dhe simbol i dashurisë për besimin dhe traditat e vyera të tij.
           
Më pas, haxhilerët janë përshëndetur me të pranishmit dhe janë nisur drejt Rinasit, ku sëbashku me qindra besimtarë nga mbarë Shqipëria do të nisen drejt Xhedas e më pas drejt Mekkes për kryerjen e ritualeve të haxhit.
           
Në këtë udhëtim, haxhilerët janë shoq��ruar edhe nga Myftiu i Shkodrës Imam Muhamed Sytari dhe imamë të qytetit.
           
Në aeroportin e Rinasit, haxhilerët janë përshëndetur edhe nga Kryetari i Komunitetit Mysliman të Shqipërisë, H. Selim Muça dhe nga Kryetari i Këshillit të Përgjithshëm të K.M.Sh, z. Ylli Gurra, i cili ka bërë edhe lutjen e rastit.
           
Grupi i haxhilerëve të këtij viti nga Shqipëria, do të drejtohet nga nën/kryetari i K.M.Sh, z. Bujar Spahiu.
           
Ndërkohë, sipas kontakteve të para të Myftinisë Shkodër, pas një udhëtimi të rehatshëm, haxhilerët shqiptarë kanë mbërritur shëndosh e mirë në vendet e shenjta, të veshur me rrobat e ihramit, në pritje për të shkelur për herë të parë në jetë, në tokën e Qabes së Madhnueshme.
 

I.Dizdari

 

Shkodra përcjell haxhilerët e saj drejt vendeve të shenjta - 27 tetor 2011

Shkodra përcjell haxhilerët e saj drejt vendeve të shenjta - 27 tetor 2011

Shkodra përcjell haxhilerët e saj drejt vendeve të shenjta - 27 tetor 2011

Shkodra përcjell haxhilerët e saj drejt vendeve të shenjta - 27 tetor 2011

Shkodra përcjell haxhilerët e saj drejt vendeve të shenjta - 27 tetor 2011

Shkodra përcjell haxhilerët e saj drejt vendeve të shenjta - 27 tetor 2011

Shkodra përcjell haxhilerët e saj drejt vendeve të shenjta - 27 tetor 2011