Imam Muhamed Sytari

Muhamed Sytari ka lindur në Shkodër më 21.05.1978. Është diplomuar në Damask të Sirisë nga Fakulteti i Thirrjes Islame ... 

 


Harta e Vizitorëve




 

Pasditën e së hënës, më 26 shtator 2011 është mbledhur Këshilli i Myftinisë Shkodër në mbledhjen e radhës.

Në qendër të kësaj mbledhje kanë qenë disa tematika që lidhen me zhvillimet e fundit në Myftininë e Shkodrës dhe objektivat e saj për tre-mujorin e fundit të këtij viti.

Këshilltarët kanë dëgjuar me vëmendje analizën që Myftiu ka bërë në lidhje me emërtimet e reja të rrugëve dhe shesheve të Shkodrës. Ai ka falënderuar përfaqësuesit e pushtetit lokal dhe komisionin për emërtimin e rrugëve dhe shesheve të qytetit të Shkodrës. Në mënyrë të veçantë, ai ka shprehur mirënjohjen e tij për respektin dhe nderimin që i është bërë shumë prej personaliteteve islame të Shkodrës, duke emërtuar edhe shumë rrugë të saj me emrat e tyre. Myftiu ka theksuar se falë Zotit, shumë prej hoxhallarëve të nderuar të Shkodrës janë vendosur në një piedestal të merituar, duke u bërë pjesë e memories së këtij qyteti. Këtu, ai ka përmendur hoxhallarët e nderuar: Hysen ef. Vuthi, Hasan ef. Podgorica, Hafiz Abaz Golemi, Hafiz Ali Kraja, Hafiz Sali Hylja, Hafiz Sabri Bushati, Hafiz Musa Dërguti, Imam Vehbi Ismaili, Hafiz Ali Ulqinaku, Daut ef. Boriçi etj.
           
Njëkohësisht Myftiu ka propozuar krijimin e një komisioni, që do të merret me shqyrtimin e emërtimeve të disa prej rrugëve dhe shesheve të Shkodrës, për të cilat janë shprehur mendime dhe kontestime të ndryshme në këtë mbledhje.           

Në këtë mbledhje është folur edhe në lidhje me vakëfet dhe disa problematika që lidhen me mbarëvajtjen e Myftinisë dhe imazhin e saj.

 

Këshilli i Myftinisë diskuton emërtimet e rrugëve dhe shesheve të Shkodrës - 26 shtator 2011

Këshilli i Myftinisë diskuton emërtimet e rrugëve dhe shesheve të Shkodrës - 26 shtator 2011

Këshilli i Myftinisë diskuton emërtimet e rrugëve dhe shesheve të Shkodrës - 26 shtator 2011