Ditën e shtunë, më 24 shtator 2011, Myftiu i Shkodrës Imam Muhamed Sytari ka inspektuar nga afër vijimin e punimeve për përfundimin e xhamisë së re në fshatin Mes-Myselim. I shoqëruar nga imami i kësaj xhamie, teologu Altin Nikshiqi, Myftiu ka parë nga afër nivelin e punimeve dhe intensitetin me të cilin po punohet këto ditë, për të arritur përfundimin sa më shpëjt dhe me cilësi sa më të lartë të kësaj xhamie të re.
           
Myftiu ka falënderuar brigadën e punëtorëve që po punojnë ditë-natë për të përfunduar ndërtimin e kësaj xhamie. Ai është njohur edhe me detaje të punës dhe është lutur që gjithçka të kryhet sa më me cilësi dhe kjo xhami të bëhet e gatshme për besimtarët e saj, që e presin me padurim ditën e inaugurimit të saj.           

Gurthemeli i xhamisë së re në fshatin Mes-Myselim është hedhur me 4 nëntor 2010.