Paraditën e së hënës, më 12 shtator 2011, është zhvilluar mbledhja e radhës e imamëve të Myftinisë Shkodër. Në rend të ditës ka qenë rregullorja e brendshme e xhamisë, detyrat dhe të drejtat e imamëve.
               
Mbledhja ka nisur me këndimin e një pjese kur’anore nga imami H. Vehbi Dani. Më pas, teologu Arben Halluni ka prezantuar para imamëve programin e kësaj mbledhje dhe ka ftuar Myftiun për të mbajtur fjalën e rastit.
               
Fillimisht Myftiu ka falënderuar imamët për angazhimin e tyre gjatë muajit Ramazan. Ai ka shprehur kënaqësinë e tij për të gjithë imamët që kanë bërë maksimumin e tyre që muaji i begative të shkonte me mbarësi. Njëkohësisht ka shprehur gëzimin e tij për aktivitetet e ditës së Fitër Bajramit, në çdo cep të Shkodrës.