Ditën e martë, më 6 gusht 2011, Myftiu i Shkodrës Imam Muhamed Sytari ka inspektuar ndërtimin e xhamisë së re të lagjes Dërgut. Ndonëse në një vend të vogël, xhamia e re ka një projekt shumë tërheqës, në tre kate. Kati i parë i këtij vakëfi do të shërbejë si ambient për njësi tregëtie, ndërsa kati i dytë dhe i tretë, si vend falje për burrat dhe për gratë.
           
Ndonëse punimet për ndërtimin e kësaj xhamie janë ndaluar gjatë muajve të fundit, Myftiu ka theksuar se Myftinia Shkodër do të ndërhyjë shumë shpejt për të përfunduar këtë faltore të re, shumë të rëndësishme për banorët e lagjes.           

Ndërtimi i xhamisë së Dërgutit ka nisur si një projekt bamirësie i Shoqatës “Burimi” në bashkëpunim me Myftininë Shkodër.