Paraditën e së mërkures, më 10 gusht 2011, Myftinia Shkodër ka organizuar shpërndarjen e disa pakove ushqimore për familje muslimane në nevojë.
           
Duhet theksuar se me fillimin e muajit Ramazan, Myftinia ka nisur një fushatë bamirësie për mbledhjen e kontributeve të ndryshme për të ndihmuar e përkrahur familjet muslimane në nevojë e me probleme ekonomike.

Myftinia ka sensibilizuar edhe shoqatat bamirëse islame, që të bëjnë të mundur tërheqjen e ndihmave të ndryshme për njerëzit në nevojë.
           
Ndihma e ditës së sotme do të vijojë edhe me shpërndarjen e pakove të tjera ushqimore dhe ndihmave në forma të ndryshme për njerëzit në nevojë në zonën e Myftinisë Shkodër.