Imam Muhamed Sytari

Muhamed Sytari ka lindur në Shkodër më 21.05.1978. Është diplomuar në Damask të Sirisë nga Fakulteti i Thirrjes Islame ... 

 


Harta e Vizitorëve




 

Pasdrekën e së hënës, më 25 korrik 2011, në ambientet e xhamisë së Parrucës është zhvilluar mbledhja për zgjedhjen e Këshillit të ri të Myftinisë Shkodër.

Në bazë të statutit të Komunitetit Mysliman të Shqipërisë, anëtarët për Këshillin e Myftinisë zhvillohen një herë në katër vite. Kështu, sipas udhëzimeve dhe rekomandimeve të Kryesisë së KMSh dhe KP, ditën e sotme janë zhvilluar votimet për Këshillin e ri të Myftinisë Shkodër.

Në fjalën e hapjes, Myftiu Imam Muhamed Sytari ka vlerësuar se votimi për zgjedhjen e anëtarëve të rinj të KM Shkodër është një mundësi më shumë për të analizuar punën dhe për të vlerësuar arritjet. Ai ka theksuar se gjatë drejtimit të tij të Myftinisë Shkodër, ka bashkëpunuar me këshilltarë, të cilët kanë qenë produktikë dhe në harmoni me realitetet e dëshmuara.

Më pas, pasi është krijuar edhe komisioni i votimeve, është bërë prezantimi i anëtarëve të rinj, të cilët janë përzgjedhur edhe në respekt të përhapjes gjeografike të hartës së Myftinisë Shkodër.

Pas prezantimit të anëtarëve, është bërë edhe votimi individual për secilin kandidat të propozuar.

Në përfundim të votimit është shpallur lista e anëtarëve të rinj të Këshillit të Myftinisë Shkodër, me këtë përbërje:

1. Admir Temja, teolog.
2. Altin Loshi, teolog.
3. Artur Tagani, teolog.
4. Bashkim Muslija, jurist.
5. Behar Bilani, ekonomist.
6. Herion Maho, infermier.
7. Idmir Plaku, imam, xhamia “Ebu Bekër”.
8. Kleves Kraja, administrator.
9. Kujtim Dervishi, drejtor, medreseja “H. Sh. Shamia”.
10. Mithat Myftija, nismëtar i 16.11.1990, imam xhamia e Plumbit.
11. Naim Drijaj, imam, xhamia Parrucë.
12. Rezart Çela, sociolog.

Me këtë rast, imamët dhe muezinët e pranishëm në votim, kanë uruar suksese dhe mbarësi për Këshillin e ri të Myftinisë Shkodër.

 

 Zgjidhet Këshilli i ri i Myftinisë Shkodër - 25 korrik 2011

Zgjidhet Këshilli i ri i Myftinisë Shkodër - 25 korrik 2011

Zgjidhet Këshilli i ri i Myftinisë Shkodër - 25 korrik 2011