Pasdrekёn e sё enjtes, mё 24 qershor 2010, Myftiu i Shkodrёs Imam Muhamed Sytari, ka pritur drejtorin e Shtёpisё Botuese “Prizmi” nё Tiranё, z. Nuh Tokçelik dhe njё pjesё tё stafit tё tij.

Gjatё bisedёs sё ngrohtё, Myftiu ka falёnderuar kontributin e vyer tё Sh. B. “Prizmi” nё ringjalljen dhe forcimin e mendimit bashkёkohor islam nё gjuhёn shqipe nёpёrmjet botimeve me vlerё qё ajo ka prezantuar deri mё sot para lexuesit.

“Falё kontributit tuaj, lexuesi shqiptar ka mundёsinё dhe fatin e mirё tё njihet me botёn e gjerё tё mendimit dhe kluturёs sё dijetarit dhe mendimtarit tё shquar bashkёkohor Fethullah Gylen. Unё i kam lexuar disa prej veprave tё kёtij dijetari nё gjuhёn arabe dhe atё shqipe dhe mendoj se kultura islame nё vendin tonё ka nevojё pёr vёshtrimet dhe horizontet e shkollёs Gylen”- ka thёnё ndёr tё tjera Myftiu.
               
Gjatё takimit, z. Nuh Tokçelik ka theksuar se shtёpia botuese qё ai drejton po punon pёr pasurimin e mёtejshёm tё bibliotekёs islame nё gjuhёn shqipe me botime tё reja tё domosdoshme pёr rininё dhe besimtarёt, si plotёsimi i kolanёs me librat e besimit dhe njohurive themelore tё fesё islame pёr fillestarёt etj.
               
Me kёtё rast, ai i ka dhuruar Myftinisё Shkodёr njё pjesё tё botimeve tё Sh. B. “Prizmi”, sikurse ka premtuar se do tё jetё pёrherё pranё kёsaj Myftinie me botimet dhe projektet e saj kulturore.
               
Ndёrkohё, Myftiu i Shkodrёs Imam Muhamed Sytari i ka dorёzuar z. Nuh Tokçelik njё kёrkesё zyrtare pёr pajisjen e Myftinisё Shkodёr me njё bibliotekё nga botimet “Prizmi”.