Ditёn e enjte, mё 24 qershor 2010, Myftiu Imam Muhamed Sytari, ka pritur nё njё takim tё pёrzemёrt, drejtorin e Fondacionit “Islamic Relief”, me qendёr nё Tiranё, z. Muhammed el- Waei. Gjatё takimit, Myftiu dhe vizitori i tij kanё diskutuar mbi realitetin e Thirrjes Islame nё vendin tonё dhe mёnyrat e ndryshme pёr gjallёrimin e saj, nёpёrmjet projekteve tё larmishme.
           
Nga ana e tij, Myftiu ka falёnderuar z. El- Waei për kontributin e madh tё dhёnё prej tij gjatё viteve tё fundit pёr Shkodrёn dhe komunitetin e saj, nёpёrmjet realizimit tё projekteve tё shumta qё kanё ndihmuar pёrmirёsimin e jetёs, sidomos nё zonat rurale. Janё tё njohura projektet e zbatuara nga ky fondacion bamirёs, si: ndёrtimi i rrugёve, ujёsjellёsave, qёndrave sanitare etj, nё disa fshatra tё zonёs sё Shkodrёs.

Gjithashtu Myftiu ka kёrkuar pёrkrahjen e “Islamic Relief” pёr disa projekte nё shёrbim tё imamёve dhe shёrbyesve tё ndryshёm tё xhamive dhe Thirrjes Islame nё Shkodёr.
           
Ndёrkohё, z. Muhammed el- Waei ka vlerësuar interesimin e Myftiut Imam Muhamed Sytari dhe angazhimin e tij nё shёrbim tё Thirrjes Islame nё Shkodёr. Ai ka premtuar se “Islamic Relief” do tё vazhdojё tё bashkёpunojё me Myftininё e Shkodrёs nё projektet e ndryshme tё saj.