Imam Muhamed Sytari

Muhamed Sytari ka lindur në Shkodër më 21.05.1978. Është diplomuar në Damask të Sirisë nga Fakulteti i Thirrjes Islame ... 

 


Harta e Vizitorëve




 

Pasditën e së hënës, më 6 qershor 2011, pas namazit të iqindisë, Myftinia Shkodër ka organizuar një ceremoni fetare me rastin e Tre Muajve të Mirë, Rexheb, Shaban dhe Ramazan, në xhaminë “Ebu Bekër”.
           
Pas këndimit të një pjese kur’anore nga Hafiz Shukri Kapllan, në fjalën hyrëse, teologu Arben Halluni ka shpjeguar qëllimin e këtij aktiviteti fetar. Ai ka uruar të pranishmit me rastin e hyrjes së Tre Muajve të Mirë, sikurse ka nxitur që të shtohen adhurimet, agjërimi e dhikret, si specifikë e këtyre muajve të begatë.
           
Më pas ka referuar teologu Idmir Plaku, imam i xhamisë “Ebu Bekër”, që ka nxjerrë në pah madhështinë e muajve Rexheb, Shaban dhe Ramazan. Në fjalën e tij, imami ka theksuar se besimtarët duhet t’i shfrytëzojnë këto momente dhuratash hyjnore, duke u afruar me Zotin nëpërmjet rrugëve të shumta të legjitimuara në Kur’an dhe Traditën Profetike. Njëkohësisht, ai ka komentuar hadithet dhe ajetet që bëjnë fjalë për madhështinë e këtyre ditëve dhe vlerën e adhurimit në to.
           
Medresisti Orhan Dani ka kënduar një ilahi, me të cilën ka përshëndetur aktivitetin në emër të medresesë “Haxhi Sheh Shamia”.
           
Ndërsa H. Bashkim Bajraktari, imam i xhamisë së Tepes, në referatin e tij, është ndalur te domosdoshmëria e angazhimit për të shtuar adhurimin dhe pendesën para duarve të All-llahut, sidomos në këtë periudhë të tre muajve të begatë. Ai i është referuar hz. Junusit (a.s), që edhe në errësirat e barkut të balenës u kujtua të kërkonte falje dhe ta përmendte Zotin.
           
Aktiviteti është përshëndetur edhe nga Myftiu i Shkodrës Imam Muhamed Sytari. Në fjalën e tij ai ka sjellur shembullin e adhurimit ditor të dijetarit të shquar Vehbi S. Gavoçi, duke e konsideruar atë si një shembull dije, përkushtimi dhe dashurie karshi Zotit.
           
Më pas, janë kënduar ilahi, pjesë mevludi dhe lutje të ndryshme.


 

 Ceremoni fetare me rastin e Tre Muajve të Mirë - Xhamia "Ebu Bekr", 6 qershor 2011

Ceremoni fetare me rastin e Tre Muajve të Mirë - Xhamia "Ebu Bekr", 6 qershor 2011

Ceremoni fetare me rastin e Tre Muajve të Mirë - Xhamia "Ebu Bekr", 6 qershor 2011 

Ceremoni fetare me rastin e Tre Muajve të Mirë - Xhamia "Ebu Bekr", 6 qershor 2011