Paraditёn e sё martёs, mё 22 qershor 2010, Myftiu i Shkodrёs Imam Muhamed Sytari ka zhvilluar njё takim pune mё imamёt dhe muezinёt e xhamive kryesore tё qytetit tё Shkodrёs. Nё kёtё takim, Myftiu ka informuar tё pranishmit pёr gjendjen e pёrgjithshme tё jetёs sё xhamisё nё Shkodёr. Nё kёtё pikё, ai ka renditur disa problematika tё hasura gjatё vizitave dhe inspektimeve tё tij, tё cilat duhen zgjidhur dhe pёrmirёsuar sa mё parё.

Nё kёtё takim ёshtё diskutuar pёr çёshtje qё kanё tё bёjnё me imazhin e prezantimit tё xhamisё dhe Myftinisё nё opinionin qytetar, si kёndimi i ezanit, respektimi i kohёve tё namazit, frekuentimi i xhamive dhe angazhimi i imamёve me derse e aktivitete tё larmishme nё shёrbim tё besimtarёve dhe vizitorёve tё ndryshёm.

Nё mbledhje ёshtё paraqitur edhe shqetёsimi i disa besimtarёve tё xhamive tё ndryshme, nё lidhje me kohёn e namazit tё jacisё dhe atё tё sabahut. Pas diskutimeve, ёshtё rёnё dakort nё mёnyrё unanime qё duke filluar nga dita e xhuma, mё 25 qershor 2010, ezani i jacisё tё afrohet me 30 minuta nga orari i vendosur nё kalendarin zyrtar, si dhe ezani i sabahut tё kёndohet 45 minuta para lindjes sё diellit. Kёto masa janё marrё edhe me pёlqimin e miratimin paraprak tё Komunitetit Musliman Shqiptar.

Nё kёtё takim, Myftiu ka kёrkuar nga imamёt dhe muezinёt e xhamive kryesore tё qytetit, njё angazhim maksimal pёr funksionimin sa mё normal tё jetёs fetare nё qytet, si dhe ka diskutuar edhe pёr disa çёshtje qё kanё tё bёjnё me jetёn e brendshme tё xhamisё dhe funksionet e punёs sё imamit.

Nё mbledhjen me Myftiun e Shkodrёs kanё marrё pjesё imamёt dhe muezinёt e xhamive: Ebu Bekr, Parrucё, Tophanё, Medrese, Perash, Rus dhe Tepe.
 

Ilir Dizdari
Imam i xhamisё Tophanё