Imam Muhamed Sytari

Muhamed Sytari ka lindur në Shkodër më 21.05.1978. Është diplomuar në Damask të Sirisë nga Fakulteti i Thirrjes Islame ... 

 


Harta e Vizitorëve




 

Pasditen e së enjtes, më 14 prill 2011, anëtarët e Këshillit të Myftinisë Shkodër kanë vizituar në shtëpinë e tij, Myftiun e Nderit të Shkodrës, H. Faik Hoxha.
           
Pasi janë interesuar për shëndetin e Myftiut të Nderit, anëtarët kanë shprehur kënaqësinë e tyre për këtë takim, që përkon edhe me përvjetorin e 81- të të tij.
           
Në urimin e tij, Myftiu Imam Muhamed Sytari i ka bërë H. Faik Hoxhës dy surpriza të këndshme e me vlerë. “Fillimisht, më lejoni t’ju lajmëroj se sot ka dalë nga shtypi, në Shkup, monografia ime për jetën e Haxhi Faik Hoxhës. Ndonëse libri, akoma nuk ndodhet në dorën time, pas disa ditësh, kur t’jua dhuroj do ta nënshkruaj me datën e sotme. Së dyti, teksa kërkoja në bibliotekën e hoxhallarëve të shkuar të Shkodrës, gjeta edhe një shënim shumë interesant në gjuhën arabe, me dorën e babait tuaj, Sheh Qazim Hoxha. Janë dy vargje shumë domethënëse, me të cilat ai paralajmëronte rrezikun e komunizmit në Shqipëri. Në këto vargje thuhet: “Nuk kam parë zullum si zullumi që na ka rënë mbi kokë – Na bëhet keq  dhe urdhërohemi të falënderojmë!” Po jua dhuroj me shumë kënaqësi, si një kujtim i kësaj dite dhe i kësaj vizite”- ka thënë Myftiu teksa i dhuronte kornizën në brendësi të së cilës ishte një foto me vargjet në fjalë.
           
Nga ana e tij, H. Faik Hoxha ka shprehur kënaqësinë e tij me rastin e kësaj vizite dhe është lutur për më të mirën e të pranishmëve. Ai ka falënderuar prezencën e tyre, si një dëshmi të respektit dhe nderimit për moshën dhe vendin e tij.

Kleves Kraja

 

Këshilli i Myftinisë Shkodër, urime për H. Faik Hoxhën - 14 prill 2011

Këshilli i Myftinisë Shkodër, urime për H. Faik Hoxhën - 14 prill 2011

Këshilli i Myftinisë Shkodër, urime për H. Faik Hoxhën - 14 prill 2011

Këshilli i Myftinisë Shkodër, urime për H. Faik Hoxhën - 14 prill 2011