Në vazhdën e përkujtimit të Mevludit Sherifë, Myftinia e Shkodrës ka vijuar të organizojë përkujtimin e kësaj ngjarje madhështore, në xhaminë e Luarzit, pikërisht më 19 mars 2011 .

Në praninë e shumë besimtarëve, të rinjve dhe kursantëve të mësim-besimit të këtij fshati ishin të pranishëm edhe përfaqësuesi i Myftinisë, teologu Arben Halluni dhe grupi i kënduesve të Mevludit.

Pas hapjes së aktivitetit nga imami i xhamisë Luarëz, z. Hajrullah Jakupi, fjalën e rastit mbi jetën dhe veprën e ndritur të Profetit të Islamit, Muhamedit (a.s) e mbajti teologu Arben Halluni. Në fjalën e tij, nënvizoi nevojën për një besim të palëkundur, për një devotshmëri që zhvillohet me anë të adhurimeve obligative dhe për një moral shembullor siç ishte besimi, devotshmëria dhe morali i Resulullahit (a.s).

Aktiviteti vazhdoi më këndime nga pjesë të Mevludit, ilahi dhe recitime nga kënduesit Sami Muçej dhe Qamil Ujka si dhe nga një grup nxënësish të kursit fetar të kësaj xhamie.