Imam Muhamed Sytari

Muhamed Sytari ka lindur në Shkodër më 21.05.1978. Është diplomuar në Damask të Sirisë nga Fakulteti i Thirrjes Islame ... 

 


Harta e Vizitorëve




 

Ditën e xhuma, më 25 mars 2011, Myftiu Imam Muhamed Sytari ka vazhduar të flasë mbi vlerën që ka pasuria, dhënia e sadekasë dhe i vakëfeve në fenë islame. Edhe nga minberi i xhamisë së fshatit Oblikë, Myftiu i Shkodrës ka ngritur zërin për realitetet e dekadave të fundit, ku siç ka përmendur “është bërë një zullum i madh ndaj trashëgimisë së shenjtë të gjyshërve e baballarëve të devotshëm të kësaj shoqërie”.
           
Në hytben e tij Myftiu ka folur edhe për vlerën e madhe që ka dhënia për hatër të All-llahut, në rrugën e fesë së Tij. Ai ka nxitur që kultura e sadeka-dhënies të forcohet dhe njerëzit të zhvishen nga petku i kopracisë. Ai ka thënë se kopracia është armë e shejtanit dhe se “kopracët janë të humbur dy herë, fillimisht se edhe atë që e kanë, realisht s’e kanë dhe s’e gëzojnë nga kopracia. Së dyti, ditën e gjykimit do të ndëshkohen për kopracinë dhe zemërngushtësinë e tyre”.
           
Myftiu ka folur edhe për vakëfin e kësaj xhamie, ku një pjesë e tij është zënë nga njerëz të papërgjegjshëm që ushtrojnë mbi të edhe biznese të vogla, ku tregtohet harami, gjë që sipas Myftiut “nuk duhet toleruar më në asnjë mënyrë”. Ai ka premtuar se shumë shpejt Myftinia do të ndërhyjë për të rrethuar dhe sistemuar ashtu si duhet vakëfin e kësaj xhamie. Myftiu është angazhuar që shumë shpejt do të nisë një fazë e re për meremetimin e xhamisë dhe pastrimin dhe zbukurimin e mëtejshëm të territorit të saj të jashtëm.

M. Myftija

 

Myftiu mban hytben e xhumasë në xhaminë e fshatit Oblikë - 25 mars 2011

Myftiu mban hytben e xhumasë në xhaminë e fshatit Oblikë - 25 mars 2011

Myftiu mban hytben e xhumasë në xhaminë e fshatit Oblikë - 25 mars 2011

Myftiu mban hytben e xhumasë në xhaminë e fshatit Oblikë - 25 mars 2011