Ditën e xhuma, më 11 mars 2011, pas kthimit nga falja e namazit të xhumasë në xhaminë e lagjes Ajasëm, Myftiu Imam Muhamed Sytari dhe stafi i tij, është ndalur te zona vakëf e xhamisë së Plumbit për të inspektuar nga afër vijimin e punës për ndërtimin e murit rrethues të këtij vakëfi.
           
Pasi ka parë nga afër punimet, Myftiu ka shprehur kënaqësinë e tij për ecurinë normale dhe me cilësi të tyre. Ai ka theksuar se rrethimi i pronës është një fazë e rëndësishme për të shënuar kufijtë legjitimë të pronës vakëf të kësaj xhamie.
Edhe me këtë rast, Myftiu ka theksuar se nuk duhet të ketë asnjë tolerancë për këdo që ka shkelur qoftë edhe një pëllëmbë në kufijtë e shenjtë të vakëfit! Ai ka thënë se është detyrë e vonuar e Myftinisë Shkodër të ndërhyjë ku të jetë e nevojshme për sprapsjen e zaptuesve të pronave të vakëfit!           

Pritet që brenda pak ditëve muri rrethues i këtij vakëfi të përfundojë, për t’i lënë vendin fillimit të një faze të re për sistemimin dhe shfrytëzimin e kësaj prone, për të mirë të besimtarëve dhe vetë xhamisë së Plumbit.