Paraditën e së hënës, më 28 shkurt 2011, nisi faza e re për rrethimin, sistemimin dhe shfrytëzimin e pronës vakëf te Xhamia e Plumbit. Në krye të këtyre punimeve ka qenë administratori i Myftinisë Shkodër, z. Kleves Kraja, menaxheri i pronave, z. Blendi Alushi si dhe imami dhe kujdestari i Xhamisë së Plumbit, H. Mithat Myftia.
           
Kjo fazë e re e punimeve në territorin e madh të kësaj xhamie, është pjesë e projektit që Myftinia Shkodër ka për shfrytëzimin sa më efikas të pronës së saj në këtë zonë.
           
Myftinia Shkodër falënderon të gjithë ata besimtarë që kanë kontribuar dhe vazhdojnë të japin ndihmesën e tyre për ruajtjen e pronës vakëf, shenjtërimin e saj dhe ndihmën ekonomike për zhvillimin e saj në favor të besimtarëve.           

Kjo është ndërhyrja e parë në terren që Myftinia Shkodër ndërmerr në zonën vakëf të Xhamisë së Plumbit, që nga përmbytja e madhe e fundvitit të kaluar, që dëmtoi tej mase këtë Xhami, (monument kulture!?).