Paraditën e së dielës, më 9 janar 2011, Myftiu Imam Muhamed Sytari ka inspektuar vazhdimin e punimeve për ndërtimin e xhamisë së re në fshatin Mes-Myselim, ku ka parë nga afër ecurinë e punimeve.

Myftiu është informuar për fazën e re të punimeve për përfundimin sa më parë dhe me cilësi të kësaj xhamie, që ndërtohet mbi truallin e xhamisë që përfundoi e djegur në maj të vitit që shkoi, nga një avari e energjisë elektrike.
           
Myftiu ka dhënë udhëzimet e tij për angazhim maksimal për të garantuar cilësi në ndërtimin e xhamisë dhe është lutur për mbarësinë e vijimësisë së punimeve për përfundimin e saj.
           
Nga ana e tyre, brigada e ndërtuesve që po merren me ndërtimin e kësaj xhamie kanë theksuar se punimet po vazhdojnë normalisht dhe me një dëshirë të madhe për ta parë sa më parë të ngritur xhaminë e këtij fshati musliman.

V. Mehmeti