Dita e Ashures, të enjten më 16 dhjetor 2010, ka mbledhur në Teqen Rufaite të Shkodrës besimtarë të shumtë, që kanë ardhur për të marrë pjesë në ceremoninë që organizon kjo teqe me këtë rast. Në krye të pritjes, Sheh Idriz Kruja, u uron mirëseardhjen krejt atyre që vijnë për ta takuar e për të këmbyer me të një urim, një lutje.
           
Me këtë rast, Myftiu i Shkodrës, i shoqëruar edhe nga administratori i Myftinisë, z. Kleves Kraja, teologu Arben Halluni, imami i xhamisë Parrucë, teologu Naim Drijaj, ai i xhamisë Tophanë, z. Ilir Dizdari etj,  kanë ardhur për të kryer vizitën tradicionale në Teqen Rufaite.
           
Në këtë vizitë, Myftiu ka theksuar se kjo ditë është simbol i unitetit dhe i vëllazërimit islam. Ai ka theksuar se sot, më shumë se asnjëherë tjetër kemi nevojë të kuptojmë forcën e vëllazërisë islame që shkrin çdo pengesë për të jetuar e bashkëpunuar si të tillë.
           
Edhe Sheh Idriz Kruja, ka konfirmuar këtë vëllazëri të shenjtë e të shtrenjtë islame që duhet të forcohet sa më shumë në mesin e krejt muslimanëve, pa dallim e pa paragjykim.