Pasdrekën e së martës, më 7 dhjetor 2010, Myftinia Shkodër ka bërë shpërndarjen e disa ndihmave ushqimore në zonë pranë xhamisë së Tophanës, ku dëmet e shkaktuara nga përmbytja e ditëve të fundit janë të dukshme e të mëdha.
           
Ka qenë vetë Myftiu Imam Muhamed Sytari, që ka marrë pjesë në shpërndarjen e këtyre ndihmave, i shoqëruar edhe nga imami i xhamisë së Tophanës, z. Ilir Dizdari. Myftiu është takuar me njerëz të shumtë, të cilëve u ka dhënë kurajo për të përballuar këtë situatë të vështirë. Ai ka kërkuar prej të përmbyturve të mos humbin shpresën dhe besimin në Zotin dhe ta konsiderojnë këtë dëm si një sprovë në jetën e tyre.           

Me rastin e përmbytjeve të fundit në Shkodër, Myftinia ka hapur edhe një llogari rrjedhëse për t’I ardhur në ndihmë të përmbyturve dhe për të kontribuar brenda mundësive, për kapërcimin e kësaj situate.